10 Sabse Important Things Jo WordPress Install Karne ke Baad Karni hi Chahiye

Bahut se new bloggers ke dimag me yeh sawal jarur hoti hai ki bhai maine blog toh banali, ab kya karna chahiye mujhe. Toh mein aapko batadun ki Wordpress install karne ke baad kuch Important chizen hein zinhe website or blog launch karne se pahle karna bahut hi zaroori hai. Toh Iss article me aapko 10 most important things bataunga jinhe aap WordPress install karne ke baad ignore karna katai nahi chahenge.

1. Change Site Title, Tagline & Timezone

Sabse pahle jo chiz karni hai woh hai Site ki title, tagline aur timezone ko badalna. Toh simply aap Settings >> General page mein ja kar ise change kar sakte hein.

2. Setup WordPress SEO

SEO, jiska full form hai search engine optimization, jisko karke aap apne website or blog me dher sara traffic Google aur dusre search engine se drive kar sakte hein.

WordPress waise toh suruwat se hi SEO friendly rehta aaya hai. Lekin kuch settings karke aap usko aur b hi jyada optimize karke zyada se zyada traffic paa sakte hein.

Isiliye dusri jo important chiz hai woh yahi hai.

Hum recommend karenge ki aap Yoast SEO plugin hi use kare jo har WordPress expert recommend karte hein. Yeh ek complete SEO solution hai market me aur kafi easy to use bhi hai.



Yoast SEO plugin ko properly set kaise karte hein jan ne ke liye aap iss article ko padh sakte hein. WordPress Yoast SEO Plugin setup kaise kare - Free Full Guide.

3. Install Google Analytics

Ek website ke owner hone ke naate aapko apni audience ko samajh na bahut hi important hai. Jis se aap sahi jankari audience tak deliver kar saken. Audience aur demographic ko analysis karke aap smart decision lekar apni business grow kar sakte hein.

Isiliye Google Analytics Install karke yeh sab data aap paa sakte hein. Jaise ki kitne viewers aaye, kaunse desh se belong karte hein aur unhone aapke blog me aakar kya kiya, kitne der tak padhi apki aricle ko etc.

Google Analytics install karne ka sabse aasan tarika hai Official Google Analytics plugin. Yeh best Google Analytics plugin hai aur detailed information aap WordPress Dashboard me clearly dekh sakte hein.

4. Install Caching

Aaj ke date mein website ki speed aur page load time bahut matlab bahut matter karta hai. Isiliye aapko sure ho jana chahiye ki aapki blog ki loading speed tez ho heavy traffic mein bhi.

Yahan par caching ka bahut hi bada role hai. Yeh users ko cached pages show karta hai jis sewebsite par server load bhi kam padta hai jis se page load time bhi kam lagta hai.

Market mein bahut sare caching plugins hein. Par hum aapko WP Super Cache recommend karenge jo ki easy to use hai aur cache bhi bahut hi behtar dhang se karta hai.

Sirf caching se hi aap apni website ki speed ko kafi had tak increase kar sakte hein.

5. Delete Unused WordPress Themes

Wordpress me by default kuch themes pahle se hi installed rehte hein. Toh behtar yehi hai ki aap pahle in themes ko delete karke interface ko neat and clean kare. Saath hi inactive themes bhi upgrades require karte hein jo ki humhe nahi chahiye.

Mein recommened karunga aapko ki aap by default koisa ek theme ko rakhen aap apni pasand ki, only one.

Unused themes ko delte karne ke liye simply yaha jaye Appearance >> Themes. Then jis bhi tyeme ko aap remove ya delete karna chahte hein simply us theme par click kare, then "details" par click kare. Right side lower corner pe aapko delete ka option dikhega simply uspar click kare.



Same process ko repeat karke other unused themes ko bhi delete kare.

6.  Delete Default Content

Wordpress by default kuch random articles ke saath aata hai jo placeholder ke roop mein use hote hein. Jaise ki article "Hello World", sample comment and sample page.

Simply yaha jaye Posts >> All Posts. "Hello World" post ko delete karne ke liye uske niche diya gaya "trash" ke upar click kare.



Next, yaha jaye Pages >> All Pages aur default page ko trash me bheje.

Same process se default comment ko bhi delete kare.

7. Set-up Spam Protection

Spam comments bahut hi annoying hote hein, yeh sach hai. Bahut se spam comments me malicious links hote hein jo aapko kisi malicious website pe redirecct kar dete hein. Spam comments apki website ki ranking aur repiutation ko barbaad kar sakte hein.

Iss chiz ko tackle karne ke liya jo simplest way hai woh hai comments ko khud moderate karna aur bina approval ke appear hone na dena. Lekin spam comeents ki sankhya day to day badhti hi jati hai aur koi bhi blogger nahi chahega ki uski aadhi time comments ko moderate karne me chala jaye.

Isiliye iss kaam ko automate karne ke liye Akismet plugin install karna jaroori hai. Yeh bahut se plans me available hai. But iska free subscriptipn bhi more than enough hai. Yeh one of the best spam protection plugin hai jise lag bhag har blogger recommend karte hein.

8. Upload FavIcon  & Site Icon

Favicon or site icon ek tiny image hai jo browser par website ke title ke bagal me appear hota hai. Yeh users ko apki website ko identify karne me madad karta hai aur saath hi brand recognition bhi badhti hai.

First, aapko apni blog ki logo create karna hoga exact 512×512 dimension aur .jpg, .png, .gif format ki honi chahiye tabhi jaa kar fit aayega.

Uske baad yaha jaye Appearance >> Customize aur "site identity " tab par click kare. Site icon section me ''select file" par click kare aur image chosse kare aur upload kare.

9. Set-up Front and Blog Page

By default Wordpress latest blog posts ko homepage par display karta hai. However, agar aap ek small business website bana rahe hai toh ek static page ho homepage ke roop me set kare.

Lag bhag sare blog me homepgage ek static page hi hota hai. Static page me aap apni manpasand ke hisab se layout aur baki kai sare chizen customize kar sakte hein.

Pages setup karne ke liye simply yaha jaye Settings >> Reading. Uske baad aap jis bhi page ko homepage ya phir blog page ke roop me istemal karna chahte hein yahan se select karke istemal kar sakte hain.

10. Setup WordPress Theme

Last but not least, ek khoobsurat sa aimple aur saath hi eye catching WordPress theme setup kare. Wordpress ke liye market mein bahut sare both free and paid themes available hai. Aap apne zaroorat ke hisab se free ya phir paid theme use kar sakte hein. Most Wordpress themes ke settings 70% same hi rahte hein.



So, Mitron yeh the woh pehle ke 10 important things jinhe aapko WordPress installation ke turant baad kar leni hai. Waise bahut sare chizen hein jinhe karna important hai jinko hum upcoming future articles mein cover karte jayenege. Aaj ki iss article mein bas itna hi. Agar iss article se thodi si bhi madad hui hogi toh comment section ke madhyam se humhe batayen, Milte hein Blogging Jankri ki kisi  naye topic me.

Dhanyavaad!!