WordPress Yoast SEO Plugin setup kaise kare - Full Guide - Blogging Jankari

WordPress Yoast SEO Plugin setup kaise kare - Free Full Guide. Kya aap apne wordpress blog me Yoast SEO Plugin properly Install aur setup karna chahte Hein ? Blogging Jankari me bhi hum Wordpress SEO by Yoast plugin ka istemal karte hein kyunki yeh wordpress website ke liye ek complete SEO solution hai. Aaj ki iss article me mein aapko is complete guide me sikhaunga ki WordPress Yoast SEO Plugin setup kaise kare aur sare amazing features ko kaise efficiently utilize kare.



Dosto blogging me competition kafi badh chuka hai aaj ke date me. aise me hindi blogging ke field me bhi pichhle 2 saal ke mukable competition kafi badh gayi hai. Aise me agar aap blogging me success hasil karna chahte hein aur competition me khade utar na chahte hein toh apki website usi hisab se top seo optimized honi jaruri hai. Wordpress ke suruati ke dino me blogs ko seo optimized karna itna hard task hua karta tha ki aap soch bhi nahi sakte. Us time plugins utna developed nahi kiye gaye the. Baad me jab naye naye plugins plugins developers ke dwara develop hoke aaye toh kaam ko kafi bade margin se aasan bana diya. Toh Topic pe aate hein. Wordpress seo by yoast, wordpress experts dwara recommended best SEO plugin hai. jiske madad se aap apne wordpress website kko bina coding knowledge ke seo optimized kar sakte hein. Aaj ki is article me maine puri deatail me bataya hai ki WordPress Yoast SEO Plugin setup kaise kare. Agar aap beginner hein aur blog ko seo opmize karna chah rahe hein toh is article ko last tak padhiye aur apne blog me apply kijiye. (Recommended)

Yoast SEO Plugin ek comprehensive yani bistrut Wordpress SEO plugin hai jiske andar kai sare tools aur built-in features Hein. Yahan ek quick overview mein de Raha hoon taki aapko pata chal paye ki isme kaunse kaunse features hein.

• Per post ke basis pe post title aur mera Description change kar sakte hein


• Taxonomies (categories & tags) ke liye title and meta description support


• Google search result snippet preview


• Focuse keyword testing


• Meta robots testing


• Improved canonical support, taxonomy archive, front page, post aur pages me canonical support


• RSS footer header configuration


• Permalink clean ups, while still allowing for Google Custom Search.


• Breadcrumbs support with configurable breadcrumb title


• XML sitemaps


• XML news sitemaps


• .htaccess & robots.txt file editor


• Verify Google Webmaster Tools, Yahoo Site Explorer, and Bing Webmaster Tools


• Basic import functionality for HeadSpace2 and All in One SEO.

Aur jyada Jankari ke liye aap humara yeh post padh sakte hai WordPress SEO by Yoast v/s All in One SEO comparison.

Yoast SEO Plugin kaise Install kare

Pahle aapko Wordpress SEO by Yoast plugin ko install aur activate kar Dena hai. Plugins kaise Install karte hein Jan ne ke liye ise padhe Wordpress plugin kaise Install kare - step by step guide.

Activate karne ke baad wordpress dashboard me ek new menu item dikhega Yoast SEO logo ke saath.



Ab jabki plugin ko sahi se install aur activate kar diya gaya hai, isko sahi se setup karna baki hai.

WordPress Yoast SEO Plugin setup kaise kare - Full Guide

Suru karne se pahle yeh batadun ki Jo bhi settings mention ki gayi sare ke sare recommended hai. Other bloggers different settings bata sakte hein.

Agar aap beginner hein aur aap best possible settings chahte hein jaise ki Blogging Jankari me hum karte hein, toh aap is tutorial ko follow kar sakte hein.

Step 1. General Settings

Dashboard me Yoast SEO Plugin menu par click karne ke baad plugin Setting page khulega. Next "General" tab pe click kare. Aap "open the configuration wizard" button dekh sakte hein. Isko simply ignore kar deni hai.

Step 2. Features

"Features" tab pe click karne ke baad advanced settings enable kare.



Enable karne ke baad Setting save karna na bhule.

WordPress menu me aap new items dekh sakte hein.



New items - Titles and Meta, XML Sitemaps, Social, Advanced, aur tools. In sab settings ko kaise setup karna hai aage maine bataya hai.

Step 3. Your Info

Next, "your info" tab par click kare. Yaha par aapko site ki Details bharni hogi aur yeh single person/company ke dwara parichalit hai woh select karna hoga.



Pahle Website name provide kare uske baad Website alternate name. Website name apki website ki title hogi.

Agar aap yahan PE kuch bhi type nahi karte hein toh Yoast apki website ki title ko website name ke roop me consider karegi.

Next aapko choose karna hoga ki iss website ke pichhe ek company hai ya single person. Company choose karke aap company name aur logo upload kar sakte hein. Agar aap person choose karte hein toh aapko aapka name type karna hoga(Website owner).

Step 4. Webmaster Tool

Agar aapko SEO ke bare me thoda sa idea hai toh aap yeh jante honge ki Google, Bing, Yandex jaise search engines apne webmaster tool ke madad se Website submit karne ka feature pradan karte hein. Aap is article ko padh sakte hai ( Google webmaster tool me Website kaise Submit kare ).

Webmaster tool ke madad se specific search engines me Website ki insights aur other relevant data jana jaa sakta hai.

Apne site ko verify karne ke liye aur exclusive data pane ke liye aapko apne website me meta tags Insert karne honge. Jyadatar beginners yeh nahi jante hote hein ki meta tag kaise Insert Kiya jata hai. Lekin is task ko Yoast SEO Plugin ne bilkul aasan bana di hai. Search engines dwara provided meta tags Ko aapko simply respective boxes me paste kar deni hai.

Step 5. Security

General Settings me jo last tab hai woh hai "security". Isme sirf ek hi Setting hai jise advanced settings ko enable ya disable kiya jaa sakta hai. Advanced settings Ko disable karne se noindex aur canonical setting author ko show nahi honge. (Jo ek achhi baat hai)

Step 7. Titles & Metas

Titles and Metas setting me bahut se tabs hein jinhe maine niche cover ki hai.

1. General

Yaha pe aap title separator choose kare. Default me "dash" symbol separator di gayi hoti hai. Aap ise change kar sakte hein.



General tab me readability aur keyword analysis ko disable kiya jaa sakta hai jo post writting karte waqt Yoast SEO metabox me appear hota hai. Isko aap "enabled" hi rahne de.

2. Homepage Title

Abhi homepage title ko define karne ki bari hai. By default, yeh field title-template se pre filled Hoti hai. So title and title template ke bich me difference kya hai ?

For example, ho sakta hai aap apne homepage ke liye static files, description aur keywords rakhna chah rahe ho. Lekin posts ke liye yeh differ karenge.

Title template ke madad se aap yeh define kar pate hein ki title aur meta Description pulled aur sangathit rahe.

Homepage setting ke liye niche image screenshot ko dekh sakte hein. By default, title template har website ke liye kaam kar jata hai. Lekin aap chahe toh kher badal kar sakte hein. Next option me aap site description type kare. Itna karne ke baad "save Settings" par click kare.



Note : Agar aap static homepage use kar rahe Hein toh homepage aur blog page ke liye alag alag title Template aur site description bharne honge.

3. Post Types Titles & Metas

Yoast SEO Plugin posts, pages, media, and other custom post types ke liye title aur meta description define karne ke liye allow karta hai.

Hum recommend karenge ki aap post description box ko blank chhod de. Title template ke roop me sirf post title hi rakhe.



Yeh yaad rakhe ki Post edit karte waqt ek Yoast SEO metabox niche Hoti hai. Jisme aap manually post title, description aur other SEO factors Ko sudhar sakte hein, jo ki highly recommended hai. Agar aap manually input nahi karte hein toh Yoast SEO automatically title aur description define Karti hai.

4. Taxonomies

Taxonomies tab me categories, tags, custom taxonomies, aur post format archives ke liye title aur description define ki jaa sakti hai.

By default jo setting diya hua rehta hai, most websites ke liye work karta hai. Description ke liye Yoast SEO categories and tags ke description pick karta hai.



Agar aapne categories, tags, or custom taxonomies ke liye description define nahi ki hai toh Yoast SEO in terms ke liye archive me meta description add nahi karta hai.

5. Archives

Archives tab me author, date archive pages, search pages, aur 404 pages ke liye title aur meta description define kar sakte hein.

Agar aapka blog single author blog hai toh aap author archive ko disable kar de. Kyunki apki main blog aur author archive same content contain Karti hai, isko disable karke aap content duplication Ko prevent kar sakte hein.



Baki Settings ko jaise ke taise rahne dijiye. Uske baad "save Settings" par click kare.

6. Other

Others tab me kuch additional Settings Hein. Jaise ki aap apne blog ki pages ke liye Dmoz aur Yahoo se description pick up hona ko disable kar sakte hein. Agar aap unsure hein ki karna kya hai, toh ise as it is chhod de.

Step 7. Social

Jaise ki hum pahle Bata chuke Hein ki comprehensive optimisation provide karne ke liye Yoast SEO Plugin ek complete power house hai.

Iska ek great feature yeh hai ki yeh apki website Ko Facebook , Twitter, Google+ jaise platform ke saath integrated karta hai.

Aap in sare social platforms Ko configure kar sakte hein. Har ek ko kaise configure karna hota hai niche bataya Gaya hai.

1. Accounts

First tab "accounts" me sare social accounts Ko configure kar sakte hein. Isko configure karne se Yoast SEO Google Ko aapke blog ki social accounts ke bare me bata pata hai. Simply aapko social accounts ke URLs ko respective fields me copy aur paste kar deni hai.



2. Facebook

Facebook tab me pahle open graph meta data ko enable kare. Isko enable karne se apke blog ki <head> section me Facebook automatically ek meta tag embed kar deta hai.

Jis se agar apke blog ki koi bhi post Facebook pe share Hoti hai, toh Facebook right thumbnail aur informations pick up kar pati hai.

Next option me aapko thumbnail image upload karni hogi aur site title aur description mention karna hoga. Yeh thumbnail aur informations tab use honge jab koi apki blog ki homepage Ko facebook par share karta hai.

Next aap ek default thumbnail image url daal sakte hein jo posts without featured image ke liye appear hogi.



Next option me aap apne Facebook profile Ko blog se connect kar sakte hein. Yeh Facebook profile or Facebook app ho Sakti hai.

Aap admin select kar sakte hein ya khud admin ban sakte hein, taki aap Facebook insights check kar paye.

3. Twitter

Twitter ke case me aap apne site me Twitter cards amber kar sakte hein.

Aap card type bhi choose kar sakte hein. Summary with large image select kare(Recommended).



4. Pinterest

Like Facebook, Pinterest bhi open graph meta data use karta hai. Yeh sure kare ki Apne Facebook tab me open graph meta data ko enable ki hai.

Next Pinterest ke dwara provided verification code enter kare. Simply aapko apne Pinterest account settings me Jana hai aur website add kar deni hai. Then ek meta tag Ko aapko yaha paste karna hoga.



5. Google+

Apne Google+ business page ka url yaha par enter kare. Next Apne Google+ business page ke about section me blog ka url enter kar de.

Step 8. XML Sitemap

Sitemaps Wordpress Website ke liye bahut essential hote Hein. Website ko index karane ke liye aur content index karane ki yeh sabse easiest aur quickest way hai. Sitemaps search engines ko yeh bhi batate hein ki apki website ki contents ko kaise prioritise karna hai.

WordPress SEO by Yoast ne website me sitemap add karna kafi easy kardi hai. XML Sitemap Setting 5 tabs me divided hai. Har ek ko kaise configure karna hai niche bataya gaya hai.

First XML sitemap Ko enable kare. Ye Bhi padhe - Sitemap ko google webmaster tool me kaise submit kare.



Uske baad user sitemap pe click kare aur author/user sitemap Ko disable kare.



Now post type tab par jaye aur jisi bhi post Ko aap chahte Hein ki sitemap me include na ho use disable kar sakte hein.

By default, media attachments ko Yoast SEO sitemap me include nahi karta.



Taxonomies ke liye wohi same process repeat kare. Jis taxonomy Ko aap exclude karna chahta Hein manually kar sakte hein.

Exclude post tab me aap individual posts,pages, or custom post types ko XML sitemap se exclude kar sakte hein. Simply box me post or page IDs enter kare aur save button pe click kare.

Ye bhi padhe - WordPress me post IDs kaise find kare.

Step 9. Advanced

Advanced settings me aap breadcrumbs, permalink aur RSS se related settings kar sakte hein.

1. Breadcrumbs

Breadcrumbs internal linking me bahut help karte hein. Visitors easily yeh Jaan sakte hein ki woh kaunse page par hein. Yeh breadcrumbs search results me bhi appear hoke website Ko extra advantage dete hein.



Breadcrumbs Setting enable karne ke baad aur settings appear honge.



By default settings har website ke liye kaam karta hai. Lekin aap chahe toh change kar sakte hein. Next save Settings par click kare.

2. Permalinks

Yaha par me aapko yaad dila du ki hum yaha Yoast SEO plugin ki Permalink setting ke bare me baat kar rahe hein, wordpress setting ki nahi.

Let's take a look!



WordPress by default har category URL me ek category base add kar deta hai. E.g. /category/

Remove select karke is part Ko aap hata sakte hein. Maximum bloggers Ise remove kar Dena pasand karte hein. Lekin aap ise ignore kar sakte hein.

Next option me attachment URLs ko parent post me redirect kar sakte hein. Jaise ki aap jante hein ki wordpress post editor ke madad se post me kai tarah ke media files attached ki Jaa sakti hai. Har ek media attachments ka apna apna alag URL create hota hai. Jo ki hona unnecessary hai. Isiliye is option Ko select karke aap attachment URLs ko parent URLs me redirect kar sakte hein.

Next option me aap URLs me se stop words ko remove kar sakte hein. Yoast SEO plugin ke hisab se yeh SEO ke liye achha hai. Lekin hum yah nahi mante. Isiliye aapse recommend nahi karenge.

Next option me ?replytocom variable Ko comment reply link se remove kar sakte hein. Jin users ke JavaScript disabled honge unke liye links show nahi honge.

Redirect ugly URLs to clean permalinks option Ko aap ignore kar sakte hein. Most cases me iski koi jarurat nahi hai.

3. RSS

RSS feed ke madad se content scrapers content copy kar sakte hein. Lekin Yoast SEO plugin ke hone se agar apki content copy Hoti bhi hai toh original post me automatically backlink generate Hoti hai.

ISS tarah se apki website me backlinks generate Hoti hai aur Google Ko pata chala hai ki apki content hi original hai.

Yahan par aapko author link, Post link, blog link, aur blog description add karne ke option mil jayenge. RSS feed me advertisement show karne ke liye inheritance istemal Kiya Jaa Sakta hai.

Step 10. Tools

Jaise ki aap dekh sakte hein ki Yoast SEO plugin Ko setup karne me humne aur aapne achha khasa time spent Kiya. Isiliye in settings Ko export karke backup Liya ja sakta hai import and export option ke madad se. Exported setting ko aap dusre kisi bhi wordpress website, jisme Yoast SEO plugin installed ho usme import karke apply kar sakte hein.



Bulk editor ke madad se ek hi baar me bahut sare posts ki title aur description edit ki Jaa sakti hai. Jo recommended nahi hai. Duplicate title aur description SEO Ko hurt kar sakte hein.

File editor me aap easily cpanel ko bina open kare .htaccess file aur robots.txt file Ko edit kar sakte hein. Agar aap beginner hein aur unsure hein toh behtar hoga aap is option se dur rahe. Chhoti si bhi mistake website Ko inaccessible kar sakti hai.

Step 11. Search Console

Yoast SEO plugin ke search console section me aap website Ko Google search console me submit kar sakte hein.

Read this guide Blog Ko Google webmaster tool me kaise Submit kare.

Aap Google webmaster tool me Website Ko submit karke Yoast SEO plugin ke madad se verify kar sakte hein.



Simply get Google Authorization code pe Click kare. Uske baad aap redirect hoke Google webmaster tool me land honge. Next aapko code copy karke box me paste kar deni hai.

Verification karne ke baad aapko profile choose karna hoga. Drop-down menu me se apna website select kare.

Now Yoast SEO plugin search console se sare data Wordpress me fetch karega. Next aap desktop, smartphone, feature phone aur Settings tab dekh sakte hein.



Yaha par aap crawl errors Ko track karke unhe fix kar sakte hein redirecting ke madad se.

Toh dosto yeh thi WordPress Yoast SEO Plugin setup kaise kare - Free Full Guide - In Hindi. Agar yeh post aapke liye helpful rahi hogi toh share kare dostio ke saath aur humhe follow kare aur Updates pane ke liye.

Tab tak ke liye dhanyawad!